ఇంటర్ తో ఐటీ ఉద్యోగాలు.. ఇలా చేస్తే రూ.15 లక్షల ప్యాకేజీ..
ఇన్ఫర్మేషన్ టెక్నాలజీపై యువతలో పెరుగుతున్న ఆసక్తి, ఐటీ రంగం అందిస్తున్న ఉద్యోగాలు ఈ రంగానికి డిమాండ్‌ను పెంచుతున్నాయి. అందుకే 12వ తరగతి ఉత్తీర్ణులైన విద్యార్థులకు వివిధ కళాశాలలు, విశ్వవిద్యాలయాలు డిప్లొమా కోర్సు సౌకర్యాలను కల్పిస్తున్నాయి
12వ తరగతి తర్వాత ఐటీ సెక్టార్‌లో కెరీర్‌ను కొనసాగించాలనుకుంటే ఏ డిప్లొమా కోర్సులు చేయాలి.. దీనికి సంబంధించి వేతనాలు ఎలా ఉంటాయి అనే పూర్తి వివరాలను ఇక్కడ తెలుసుకుందాం.
క్లౌడ్ కంప్యూటింగ్‌లో డిప్లొమా కోర్సు
పూర్తి టెక్నీలజీని అర్థం చేసుకోవాలనుకుంటే.. ఈ రంగంలో కెరీర్‌ను కొనసాగించాలంటే.. విద్యార్థులు 12వ తరగతి తర్వాత క్లౌడ్ కంప్యూటింగ్‌లో డిప్లొమా కోర్సు చేయవచ్చు. ఈ కోర్సులో డేటా ప్రాసెసింగ్ కంటే ఎక్కువ ఉద్యోగ ఎంపికలు ఉన్నాయి.
అందుకే క్లౌడ్ కంప్యూటింగ్ డిప్లొమా కోర్సు బెస్ట్ ఆప్షన్‌గా పరిగణించబడుతుంది. క్లౌడ్ కంప్యూటింగ్ డిప్లొమా కోర్సు విద్యార్థులకు కంప్యూటర్‌లలో సేవ్ చేయబడిన డేటాతో పాటు అనేక ఇతర ముఖ్యమైన డేటా సంబంధిత సమాచారాన్ని ఎలా భద్రపరచాలనే దానిపై పూర్తి సాంకేతికతలను అందిస్తుంది. ఈ డిప్లొమా కోర్సు తర్వాత సంవత్సరానికి రూ. 12 నుండి రూ.15 లక్షలు సంపాదించవచ్చు. కానీ ఈ డిప్లొమాతో ఉద్యోగం సాధించిన ప్రారంభంలో ప్యాకేజీ అనేది తక్కువగా ఉండవచ్చు.
గ్రాఫిక్ డిజైనింగ్‌లో డిప్లొమా కోర్సు
బాలీవుడ్, టాలీవుడ్ సినిమాల్లో ఎక్కువగా గ్రాఫిక్స్ డిజైనింగ్‌ను ఉపయోగిస్తుంటారు. ఈ రంగంలో కెరీర్ ఎంపిక చేసుకోవాలని ఆలోచిస్తున్నట్లయితే మీరు గ్రాఫిక్స్ డిజైనింగ్‌లో డిప్లొమా కోర్సు చేయవచ్చు. గ్రాఫిక్స్ డిజైనింగ్ కింద అనేక రకాల కోర్సులు చేయవచ్చు. ఈ రంగంలో ప్రారంభ వార్షిక ఆదాయం రూ. 4 లక్షల నుంచి నుంచి రూ. 5 లక్షల వరకు ఉంటుంది.
మొబైల్ అప్లికేషన్ డెవలప్‌మెంట్‌లో డిప్లొమా కోర్సు..
ప్రస్తుతం అన్ని వయసుల వారికి స్మార్ట్ అంటే ఏమిటో తెలిసి ఉంటుంది. అంతే కాదు..వాళ్లు కూడా ఈ టెక్నాలజీని ఉపయోగిస్తున్నారు. అందుకే ఈ రోజుల్లో మొబైల్ యాప్ డెవలపర్‌లకు డిమాండ్ పెరుగుతోంది.
మీరు మొబైల్ యాప్ డెవలపర్‌గా పని చేయాలనుకుంటే 12వ తరగతి పాసైన తర్వాత మొబైల్ అప్లికేషన్ డెవలప్‌మెంట్‌లో డిప్లొమా కోర్సు చేయవచ్చు. మొబైల్ అప్లికేషన్ డెవలపర్‌లు మొబైల్ ఫోన్‌ల కోసం మాత్రమే కాకుండా టాబ్లెట్‌లు, స్మార్ట్‌వాచ్‌లు , కంప్యూటర్‌ల కోసం కూడా అప్లికేషన్‌లను అభివృద్ధి చేయడానికి పని చేస్తారు.
ఈ కోర్సును వివిధ విశ్వవిద్యాలయాలు మరియు ప్రైవేట్ కళాశాలలు కూడా అందిస్తున్నాయి. ఐటీ రంగానికి సంబంధించిన మూడు ముఖ్యమైన కోర్సులు ఇవి. వివిధ విశ్వవిద్యాలయాలు లేదా ప్రైవేట్ కళాశాలల్లో ఫీజు అనేది భిన్నంగా ఉంటుంది. మీ ఆర్థిక స్థోమతను బట్టి మీరు ఏ కోర్సులో చేరతారో ఆలోచించుకోవచ్చు
Comments
Post a Comment