తెలంగాణలో మరో నోటిఫికేషన్.. 1664 ఇంటర్ కాలేజీల్లో గెస్ట్ లెక్చరర్ల ఉద్యోగాలు..

 తెలంగాణ రాష్ట్రంలో 2023-24 విద్యా సంవత్సరానికి ప్రభుత్వ ఇంటర్ కాలేజీల్లో గెస్ట్ లెక్చరర్ల నియామకానికి ఇంటర్మీడియట్ బోర్డ్ నోటిఫికేషన్ జారీ చేసింది. 1654 గెస్ట్ లెక్చరర్ల పోస్టుల భర్తీకి నోటిఫికేషన్ జారీ విడుదల చేసింది. దీనికి సంబంధించి పూర్తి వివరాలు ఇలా ఉన్నాయి..

గతంలో గెస్ట్ లెక్చరర్ల నోటిఫికేషన్‌పై పనిచేసిన 1654 మంది లెక్చరర్స్ ఈ నోటిఫికేషన్ విడుదలపై ఆగ్రహం వ్యక్తం చేస్తున్నారు. పదేళ్లుగా పనిచేస్తున్న తమను తొలగించి.. కొత్తగా ఇంటర్ బోర్డ్ నోటిఫికేషన్ జారీ చేయడం కరెక్ట్ కాదంటూ ఆవేదన వ్యక్తం చేస్తున్నారు. తమకు న్యాయం చేయాలని కోరుతున్నారు
ఈ నియామకులకు సంబంధించి ఏ విధంగా రిక్రూట్మెంట్ చేసుకోవాలన్న దానిపై జిల్లా ఇంటర్ విద్య అధికారులకు మార్గదర్శకాలను సూచించింది. ఈ నియామకాలకు ఆయా జిల్లా పరిధిలో సెలక్షన్ కమిటీలను నియమించారు. జిల్లా కలెక్టర్ చైర్మన్గా జాయింట్ కలెక్టర్, కాలేజీ ప్రిన్సిపల్ మెంబర్లుగా కమిటీ ఉంది. ఈ ముగ్గురు గెస్ట్ ఫ్యాకల్టీని ఎంపిక చేస్తారు

దరఖాస్తు ఎలా చేసుకోవాలంటే..
కాలేజీలోని విద్యార్థుల సంఖ్యను అనుసరించి ఈ ఖాళీల నియమమకం ఉంటుంది. కావాల్సిన సబ్జెక్టులకు ఫ్యాకల్టీని ఎంతమంది అవసరమో ఎన్ని గెస్ట్ ఫ్యాకల్టీలు రిక్రూట్మెంట్ చేసుకోవాలో నిర్ణయిస్తారు

గెస్ట్ ఫ్యాకల్టీ నియామకాలకు సంబంధించి జిల్లా ఇంటర్ విద్య అధికారులు ప్రకటన త్వరలో జారీ చేయనున్నారు. ఆ తర్వాత జిల్లా ఇంటర్ విద్య అధికారుల కార్యాలయాల్లో అభ్యర్థులు దరఖాస్తులు చేసుకోవాల్సి ఉంటుంది

వచ్చిన దరఖాస్తుల్లో పీజీ(పోస్ట్ గ్రాడ్యూయేట్) మార్కుల ఆధారంగా 1:3 పద్ధతిలో జిల్లా ఇంటర్ విద్య అధికారి ఎంపిక చేసి జిల్లా కలెక్టర్ ఆధ్వర్యంలో సెలక్షన్ కమిటీకి మెరిట్ లిస్టును పంపిస్తారు.

కలెక్టర్ ఆధ్వర్యంలో సెలక్షన్ కమిటీ గెస్ట్ ఫ్యాకల్టీనీ ఎంపిక చేస్తారు. ఎంపికైన అభ్యర్థులు తమ విద్యార్హత ఒరిజినల్ సర్టిఫికెట్స్‌తో పాటు మూడు సెట్ల ఫోటో కాపీలతో రావాల్సి ఉంటుంది. గెస్ట్ ఫ్యాకల్టీ సిబ్బందికి ఈ అకాడమీక్‌ ఇయర్ ముగిసే వరకు మాత్రమే పనిచేయాల్సి ఉంటుంది

వీరికి రెగ్యులరైజ్ గాని రెన్యువల్ కానీ చేయాలని కోరే వీలు లేదు. ప్రభుత్వ ఉద్యోగులకు వర్తించే బెనిఫిట్స్ ఏవి గెస్ట్ ఫ్యాకల్టీకి వర్తించవు. ఒక సంవత్సరానికి మాత్రమే వీళ్లు పని చేయాల్సి ఉంటుంది. అవసరం మేరకు వీళ్లను తర్వాత పొడిగించవచ్చు..

Guest Lecturers in Government Inter Colleges salary	Rs.25,000/- or Rs.30,000/- per month
Official website	www.cie.telangana.gov.in