Jobs in Gandhi Hospital || గాంధీ ఆస్పత్రిలో 135 జాబ్స్.. నెలకు రూ.లక్షకు పైగా వేతనం

తెలంగాణలోనే పేరొందిన సికింద్రాబాద్ లోని గాంధీ మెడికల్ కాలేజీ/గాంధీ హాస్పటల్ నుంచి పలు ఉద్యోగాల భర్తీకి అధికారులు నోటిఫికేషన్ విడుదల చేశారు. 

మొత్తం 135 ఖాళీలను  భర్తీ చేయనున్నట్లు ప్రకటనలో పేర్కొన్నారు. జనరల్ మెడిసిన్, జనరల్ సర్జరీ, ఓబీజీ, పీడియాట్రిక్స్, ఆర్థోపెడిక్స్, అనెస్థీషియా తదితర విభాగాల్లో ఈ ఖాళీలను భర్తీ చేయనున్నారు. 

మొత్తం 135 ఖాళీల్లో 115 అసిస్టెంట్ ప్రొఫెసర్ ఖాళీలు ఉన్నాయి. 

మరో 20 సివిల్ అసిస్టెంట్ సర్జన్ ఖాళీలు ఉన్నాయి.

విద్యార్హతల వివరాలు:

అసిస్టెంట్ ప్రొఫెసర్ ఖాళీలకు అర్హతల వివరాలు ఇలా ఉన్నాయి. సంబంధిత స్పెషలైజేషన్లో ఎండీ/ఎంఎస్/డీఎన్బీ ఉత్తీర్ణత సాధించిన అభ్యర్థులు ఈ ఖాళీలకు అప్లై చేసుకోవచ్చు. ఏపీ/తెలంగాణ మెడికల్ బోర్డులో రిజిస్టర్ అయి ఉండాలి. ఎంసీఐ/ఎన్ఎంసీ గుర్తింపు ఉండాలి. ఈ ఖాళీలకు ఎంపికైన వారికి నెలకు రూ.1.25 లక్షల వేతనం చెల్లించనున్నారు.

సివిల్ సర్జన్: ఈ విభాగంలోని 20 ఖాళీలకు దరఖాస్తు చేసుకునే వారు ఎంబీబీఎస్ చేసి ఉండాలి. ఏపీ/తెలంగాణ బోర్డులో రిజిస్టర్ అయి ఉండాలి. దరఖాస్తుదారుల వయస్సు జులై 1 నాటికి 44 ఏళ్లు ఉండాలి. ఈ ఖాళీలకు ఎంపికైన వారికి నెలకు రూ.52 వేల వేతనం చెల్లించనున్నారు.

-అకాడమిక్ మెరిట్ ఆధారంగా అభ్యర్థుల ఎంపిక ఉంటుంది. రిజిస్టర్డ్/స్పీడ్ పోస్టు ద్వారా అప్లై చేసుకోవాల్సి ఉంటుంది. దరఖాస్తులకు ఏప్రిల్ 5ను ఆఖరి తేదీగా నిర్ణయించారు. అర్హత, ఆసక్తి కలిగిన అభ్యర్థులు ఆ తేదీలోగా 

The Superintendent, Gandhi Hospital, 
Musheerabad, 
Secunderabad 

చిరునామాకు చేరేలా దరఖాస్తులను పంపించాల్సి ఉంటుంది