రాత పరీక్షలేకుండా.. మహబూబాబాద్‌ జిల్లా ప్రభుత్వ దవాఖానాల్లో ఉద్యోగాలు.. పూర్తి వివరాలు

 తెలంగాణ రాష్ట్ర ప్రభుత్వానికి చెందిన నేషనల్ హెల్త్‌ మిషన్ కింద మహబూబాబాద్‌ జిల్లా (Mahbubabad District)లోని పట్టణ, గ్రామీణ ప్రాంతాల్లోని ప్రభుత్వ ఆసుపత్రుల్లో.. ఒప్పంద ప్రాతిపదికన 50 మిడ్‌ లెవెల్‌ హెల్త్‌ ప్రొవైడర్‌ పోస్టుల (Mid level health provider Posts) భర్తీకి అర్హులైన అభ్యర్ధుల నుంచి దరఖాస్తులు కోరుతూ జిల్లా వైద్యారోగ్య శాఖాధికారి కార్యాలయం నోటిఫికేషన్‌ విడుదల చేసింది. 

ఈ పోస్టులకు దరఖాస్తు చేసుకునే అభ్యర్ధులు ఎంబీబీఎస్‌తోపాటు సంబంధిత స్పెషలైజేషన్‌లో బీఏఎంస్‌/బీఎస్సీ నర్సింగ్‌/స్టాఫ్‌నర్స్‌ లేదా తత్సమాన కోర్సులో ఉత్తీర్ణత సాధించి ఉండాలి. అలాగే అభ్యర్ధుల వయసు 18 నుంచి 44 యేళ్ల మధ్య ఉండాలి.  ఎస్సీ, ఎస్టీ, బీసీ, ఈడబ్ల్యూఎస్‌ కేటగిరీలకు 5, 

దివ్యాంగులకు 10 ఏళ్ల సడలింపు వర్తిస్తుంది. 

ఈ అర్హతలున్నవారు ఎవరైనా ఆఫ్‌లైన్‌ విధానంలో సెప్టెంబర్‌ 17, 2022వ తేదీ సాయంత్రం 5 గంటలలోపు పోస్టు ద్వారా కింది అడ్రస్‌కు దరఖాస్తులు పంపించవచ్చు. 

దరఖాస్తు రుసుము జనరల్ అభ్యర్ధులకు రూ.300లు, 

ఎస్సీ/ఎస్టీ/బీసీ అభ్యర్ధులకు రూ.250లు అప్లికేషన్‌ ఫీజు చెల్లించవల్సి ఉంటుంది. అకడమిక్‌ మెరిట్‌, రిజర్వేషన్‌, ఇంటర్వ్యూ ఆధారంగా అభ్యర్ధులను ఎంపిక చేస్తారు. 

జిల్లా నియామక కమిటీ నేతృత్వంలో భర్తీ ప్రక్రియ నిర్వహిస్తారు. 

ఫైనల్ మెరిట్ లిస్టు అక్టోబర్‌ 3, 2022వ తేదీన విడుదల చేస్తారు. ఎంపికైన వారికి నెలకు రూ.29,900ల నుంచి రూ.40,000ల వరకు జీతంగా చెల్లిస్తారు. పూర్తి వివరాలు అధికారిక నోటిఫికేషన్‌లో చెక్‌ చేసుకోవచ్చు.

పూర్తి నోటిఫికేషన్ కు సంబంధించి వివరాలకు ఇక్కడ క్లిక్ చేసి తెలుసుకోవచ్చు