కోర్టుల్లో 4600 పోస్టుల భర్తీకి ఆమోదం

 తెలంగాణ రాష్ట్ర నిరుద్యోగులకు వరుస నోటిఫికేషన్లు వెలువడుతున్న సంగతి తెలిసిందే. ఈ క్రమంలో మరో 4,600లకుపైగా ఉద్యోగాలకు రాష్ట్ర క్యాబినెట్‌ ఆమోదం తెల్పింది. ఈ మేరకు రాష్ట్రంలోని వివిధ న్యాయస్థానాల్లో ఖాళీగా పోస్టులకు సోమవారం (డిసెంబ‌రు 12) జరిగిన రాష్ట్ర మంత్రిమండలి సమావేశంలో ఆమోదం లభించింది. దీంతో కోర్టుల్లో సిబ్బంది నియామకాల కోసం గతంలో ప్రభుత్వం ఇచ్చిన ఉత్తర్వులకు తాజాగా అనుమతి లభించినట్లైంది. ఈ నియామకాలకు సంబంధించి రిక్రూట్‌మెంట్‌ నోటిఫికేషన్‌ త్వరలో విడుదల కానుంది.

ఇప్పటికే తెలంగాణ పోలీసు, బీసీ సంక్షేమ, రోడ్లు భవనాల శాఖల్లో కలిపి మొత్తం 7,029 కొత్త నియామకాలకు రాష్ట్ర క్యాబినెట్‌ అనుమతి తెల్పిన విషయం తెలిసిందే. ఈ రోజు మరో 4,200ల పోస్టులకు అనుమతి లభించడంతో.. రానున్న రోజుల్లో మొత్తం 11 వేలకు పైగా ఉద్యోగాలను నియామక ప్రక్రియ ప్రారంభంకానుంది.